އޮސްޓްރޭލިއާގެ ނިއުކާސަލްގައި ރަގްބީ ސަޕޯޓަރުން ތަކެއްގެ ތެރެއަށް ވަން ކާރަކުން ޖެހި ހިނގި އެކްސިޑެންޓެއްގައި 10 މީހުންނަށް އަނިޔާވެއްޖެއެވެ.
ސައުތު ވޭލްސްގެ ފުލުހުން ވެރިޔާ ބުނެފައިވަނީ، އަނިޔާވި މީހުންގެ ތެރެއިން ސީރިއަސް އަނިޔާތައް ލިބުނު ދެ މީހުން އެއީ 5 އަހަރުގެ އަންހެން ކުއްޖަކާއި 67 އަހަރުގެ ފިރިހެނެއް ކަމަށާއި އެ މީހާ އޮތީ ވަރަށް ނާޒުކު .ހާލަތެއްގައި ކަމަށެވެ
އަދި އަނިޔާވި އަނެއް 8 މީހުންގެ ހާލަތު ހޮސްޕިޓަލުގައި ފަރުވާދީފައިވާއިރު އެމީހުންގެ ހާލު ރަނގަޅު ކަމަށް ފުލުހުން ވަނީ ބުނެފައެވެ. އޮސްޓްރޭލިޔާގެ ފުލުހުން ބުނި ގޮތުގައި، ކާރު ދުއްވަން އިން 18 އަހަރުގެ ފިރިހެން މީހާ މިހާރު ވަނީ ހައްޔަރުކޮށް، މި ހާދިސާ ހިނގައިދިޔަ ގޮތް ތަހުގީގު ކުރަން ފަށާފައެވެ.
އަދި މި ހާދިސާއަކީ "ޓެރަރިޒަމް" އާ ގުޅުންހުރި ކަމެއް ކަމަށް ނުބެލެވޭ ކަމަށް ވެސް އޮސްޓްރޭލިއާގެ ފުލުހުން ބުނެފައިވެއެވެ.
ހަމަލާ އަމާޒުވި މި އެއްވުމަކީ އާދީއްތަ ދުވަހު ސިޑްނީ ރޫސްޓާސްއާ ދެކޮޅަށް ކުޅޭ ގްރޭންޑް ފައިނަލް މެޗަށް ފުރުމުގެ ކުރިން، ރަށުގެ އެ ސިޓީގެ ރަގްބީ ޓީމް "ނިއުކާސަލް ނައިޓްސް" އަށް ޚާއްސަކޮށްގެން ބޭއްވި އެއްވުމެކެވެ.
ނިއުކާސަލްގެ ލޯޑް މޭޔަރު ގޭވިން މޮރިސް އާއި ހަވާލާދީ މީޑިޔާތަކުގައި ރިޕޯޓްކޮށްފައިވާ ގޮތުގައި، ރަގްބީ ސަޕޯޓަރެއް ކަމަށްވާ އެ ރޯދިކީ ދުއްވަން އިން ކުއްޖާއަށް ކާރުގެ ކޮންޓްރޯލް ގެއްލިގެން ދިޔައީއެވެ.