އައްޑޫ މީދޫގެ ރައްޔިތުންނަށް ބޭނުންވާ ވެލި ނަގައިދޭނެ ފަރާތެއް ހޯދުމުގެ މަސައްކަތް އެރަށު ކައުންސިލުން ފަށައިފިއެވެ.
މީދޫ ކައުންސިލުން ކޮށްފައިވާ އިއުލާނެއްގައި ބުނެފައިވާ ގޮތުން ރައްޔިތުންގެ ބޭނުންތަކަށާއި، ކައުންސިލުން އާންމުތަންތަން މަރާމާތުކޮށް ބެލެހެއްޓުމަށް ބޭނުންވާ ވެލި، ނަގައިދެވޭނެ ފަރާތެއް ހޯދަން ބޭނުންވެއެވެ.
އަދި މިގޮތަށް ވެލި ނަގާނީ، އެންވަޔަރަމަންޓް ރެގިއުލޭޓަރީ އޮތޯރިޓީ އިން ހުއްދަ ކުރައްވާ ޞަރަޙައްދަކުން ކަމަށް ވެސް މީދޫ ކައުންސިލުން ކުރި އިއުލާނުގައި ވަނީ ބުނެފަައެވެ.
ވެލި ނެގުމާއި ގުޅޭގޮތުން މީދޫ ކައުންސިލުން އިއުލާނެއް ކޮށްފައިވާއިރު، ވަލި ނަގާނެ ސަރަހައްދުތަކަކީ ކޮބައިކަން ހިމަނައިފައި ނުވާތީ، އެފަދަ ސަރަހައްދުތަކެއް އެންވަޔަރަމަންޓް ރެގިއުލޭޓަރީ އޮތޯރިޓީ އިން ހުއްދަކޮށްފައިވާ ކަން ވަނީ ސާފު ނުވެފައެވެ.
