ފީފާއިން އަންހެނުންނަށް ޚާއްސަ ކްލަބް ވޯލްޑްކަޕެއް ބޭއްވުމުގެ މަސައްކަތް ކުރަމުން އަންނަކަމަށް ބައިނަލްއަޤްވާމީ މީޑިޔާތަކުން ރިޕޯޓްކޮށްފިއެވެ.
ފީފާގެ ރައީސް ޖިއާނީ އިންފަންޓީނޯގެ ލީޑަރޝިޕާ މެދު އުފެދިފައިވާ ނުތަނަވަސްކަމާއި އެކު ވެސް އަންހެނުންގެ ކްލަބް ވަރލްޑް ކަޕް ފެށުމުގެ މަސައްކަތް އެ އިދާރާއިން ކުރިއަށް ގެންދާ ކަމަށް ސްކައި ނިއުސް އިން ވަނީ ރިޕޯޓްކޮށްފައެވެ.
އެ ނޫހުން ބުނެފައިވާ ގޮތުގައި، އެމެރިކާ ބައްރުގައި މި މުބާރާތް ބޭއްވުމަށް ހަމަޖެހިފައިވަނީ 2028 ވަނަ އަހަރުގެ ޖަނަވަރީ މަހުއެވެ. ނަމަވެސް، މުބާރާތް ބާއްވާނެ ވަކި ޤައުމެއް ކަނޑައަޅާފައި ނުވެއެވެ. އެހެން ނަމަވެސް، ކުރިން ގަތަރުގައި މި މުބާރާތް ބާއްވާފާނެ ކަމަށް ބެލެވުނު ނަމަވެސް، މުބާރާތް އެމެރިކާގައި ބޭއްވުމާ މެދު ފީފާއިން މަޝްވަރާ ކުރަމުންދާކަމަށް ސްކައި ނިއުސް އިން ވަނީ ރިޕޯޓްކޮށްފައެވެ.
އެމެރިކާގައި މި މުބާރާތް ބާއްވައިފި ނަމަ މިއީ ޑޮނަލްޑް ޓްރަމްޕްގެ ދެވަނަ ރިޔާސީ ދައުރުގައި އެމެރިކާގައި ބާއްވާ ފީފާގެ ތިންވަނަ ވަރލްޑް ކަޕަށް ވެގެންދާނެއެވެ.
އަލަށް ތައާރަފް ކުރެވުނު ފިރިހެނުންގެ ކްލަބް ވަރލްޑް ކަޕްގެ ފުރަތަމަ މުބާރާތުގައި 2025 ވަނަ އަހަރު ޗެލްސީއަށް ތަށި ހަވާލުކޮށްދެއްވީ ރައީސް ޓްރަމްޕެވެ. އަދި ޖުލައި މަހު ބޭއްވި މައި ފިރިހެން ގައުމީ ޓީމުތަކުގެ ވަރލްޑް ކަޕްގެ ފައިނަލުގައި ސްޕެއިނަށް ތަށި ހަވާލުކޮށްދެއްވީވެސް ޓްރަމްޕެެވެ.
