އެމެރިކާގައި ދައުރުގެ މެދުތެރެއިން ބާއްވާ އިންތިޚާބު ކާމިޔާބުވެއްޖެ ނަމަ ދޮށީ އުމުރުގެ ރައްޔިތުންނަށް 5000 އެމެރިކާ ޑޮލަރު ދެއްވާނެ ކަމަށް އމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.
ކުރިއަށް އޮތް ދައުރުގެ މެދުތެރޭ އިންތިޚާބު ކާމިޔާބުވެއްޖެ ނަމަ، އެމެރިކާގެ ދޮށީ އުމުރުގެ ކޮންމެ ރައްޔިތަކަށް 5،000 އެމެރިކާ ޑޮލަރު ދެއްވާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.
ޓްރަމްޕް މިކަން އިޢުލާނު ކުރެއްވީ އިންތިޚާބީ ކެމްޕޭނުގެ ތެރެއިން ބޭއްވި ޖަލްސާއެއްގައެވެ. އޭނާ ވިދާޅުވީ، އިޤްތިޞާދީ ގޮތުން ދިމާވެފައިވާ ދަތިތަކުން އަރައިގަތުމަށާއި، ދިރިއުޅުމުގެ ޚަރަދުތައް ބޮޑުވަމުންދާތީ ދޮށީ އުމުރުގެ ރައްޔިތުންނަށް އެހީތެރިކަން ފޯރުކޮށްދިނުމަކީ ވަރަށް މުހިންމު ކަމެއް ކަމަށެވެ. އަދި އޭނާގެ ސަރުކާރަކުން އިސްކަންދޭނީ ރައްޔިތުންގެ ފުދުންތެރިކަން އިތުރުކޮށްދިނުމަށް ކަމަށްވެސް ފާހަގަކުރެއްވިއެވެ.
މި އެހީ ދިނުމަށް ހަމަޖެހިފައިވަނީ އިންތިޚާބު ކާމިޔާބުވެ، އެމެރިކާގެ ޤާނޫނުހަދާ މަޖިލީހުގެ އަޣުލަބިއްޔަތު ލިބިގެން ތަންފީޒުކުރެވޭ ޚާއްޞަ އިޤްތިޞާދީ ޕެކޭޖެއްގެ ދަށުންނެވެ. މި ފިޔަވަޅުގެ މައިގަނޑު ބޭނުމަކީ ޕެންޝަނުން ދިރިއުޅޭ ދޮށީ އުމުރުގެ މީހުންގެ މާލީ ރައްކާތެރިކަން ކަށަވަރުކުރުމެވެ.
ޓްރަމްޕްގެ މި ވަޢުދާ ގުޅިގެން ސިޔާސީ މަސްރަޙުގައި ބޮޑެތި ބަހުސްތަކެއް ވަނީ އުފެދިފައެވެ. ބައެއް ފަރާތްތަކުން މިކަމަށް ތާއީދުކުރަމުންދާއިރު، އިދިކޮޅު ފަރާތްތަކުން ބުނަމުންދަނީ މިއީ އިންތިޚާބަށް ނުފޫޒު ފޯރުވުމުގެ ގޮތުން ވެފައިވާ ވަޢުދެއް ކަމަށެވެ.
