ދުބާއީން ފުރައިގެން އިޒްރޭލަށް މިދިޔަ ބުދަ ދުވަހު ދަތުރުކުރި ފްލައިދުބާއީގެ ފްލައިޓެއް ހައިޖެކުރި މައްސަލައިގެ ތަހުގީގަށް ދިވެހިރާއްޖޭގެ 2 ރައްޔިތަކު ހައްޔަރުކޮށްފިއެވެ.
ޔޫއޭއީ އިން ހައްޔަރުކޮށްފައިވަނީ ފްލައިދުބާއީގެ ފްލައިޓެއް ހައިޖެކްކޮށް ޓެރަރިސްޓް ހަމަލާއެއް ދޭން އުޅުނު ކަމުގެ ތުހުމަތުކުރެވޭ އުމާންގެ ގުޅުން އޮންނަ ކަމަށް ބެލެވޭ ދެ ދިވެހިންނެވެ.
ބައެއް ނޫސްތަކުގައި ރިޕޯޓްކޮށްފަިވާ ގޮތުގައި، ހައްޔަރުކުރި 2 ދިވެހިންނަކީ ބޯޓުގެ ޕައިލެޓަށް "ކްރޭޝް ހެމާ" އިން ހަމަލާދިން ކޯ-ޕައިލެޓް ހައްމާމް އަލް ހަމާނީއާ އެއް އިމާރާތެއްގައި އުޅޭ ބައެކެވެ. އެ ދެ މީހުންނަކީ ކޯ-ޕައިލެޓުންގެ ގޮތުގައި ފްލައިދުބާއީގައި މަސައްކަތްކުރާ މީހުން ކަމަށް 'މިހާރު' ނޫހުން ވަނީ ރިޕޯޓްކޮށްފައެވެ.
މިކަމާއި ގުޅޭގޮތުން ރާއްޖޭގެ އެއްވެސް ރަސްމީ އިދާރާއަކުން އެއްޗެއް ބުނެފައި ނުވާއިރު، ޔޫއޭއީގެ އެޓާނީ ޖެނެރަލް ވަނީ މި ހާދިސާގެ ފަހަތުގައިވާ އަސްލު މަގުސަދާއި، އެހެން އެއްވެސް ޖަމާއަތަކާ އޭނާއާ ގުޅުން އޮތްތޯ ބެލުމަށްޓަކައި ސަރަހައްދީ ސެކިއުރިޓީ އިދާރާތަކާ ގުޅިގެން ފުޅާ ދާއިރާއެއްގައި ތަހުގީގެއް ކުރިއަށްދާކަމަށް ވިދާޅުވެފައެވެ.