ކްރިމިނަލް ކޯޓުން ޖަލު ހުކުމެއް އިއްވައިފައިވަނީ ސ.ފޭދޫ ޔެލޯހައުސް މުޙައްމަދު ޝިއުނީޒްގެ މައްޗަށެވެ. އޭނާގެ މައްޗަށް އެނގިހުރެ ހުއްދަ ނޫންތަނަކަށް ވަނުމުގެ ދައުވާ އުފުލައިފައިވަނީ މި އަހަރުގެ ފެބްރުއަރީ މަހުގެ ތެރޭގައި އެސްޓީއޯގެ ސާރވިސް ސެންޓަރުގެ ފުރާޅުމައްޗަށް އެރުމުގެ ސަބަބުންނެވެ.
ކްރިމިނަލް ކޯޓުގެ ހުކުމްގައި ބުނާގޮތުން ޝިއުނީޒް އެސްޓީއޯ ސަރވިސް ސެންޓަރުގެ ފުރާޅުމައްޗަށް އެރީ ފަތިސް ގަޑީގައި ކަމަށް ވުމުން އޭނާ އެތަނަށް އެރީ ވައްކަން ކުރުމުގެ ނިޔަތުގައި ކަމަށް ބެލެވެއެވެ.
ކްރިމިނަލް ކޯޓުގެ އިސް ގާޒީ އާދަމް މުޙައްމަދު ހުކުމްކޮށްފައިވަނީ، 2 މަހާއި 28 ދުވަހުގެ މުއްދަތަކަށް މުޙައްމަދު ޝިއުނީޒް ޖަލަށް ލުމަށެވެ.