ޚަބަރު
ފޭދޫ މީހަކު އޭސީއެއް ރޫޅާލި މައްސަލައެއްގައި ޖަލަށް
އޭސީއެއްގެ އައުޓްޑޯ ޔުނިޓެއް ރޫޅާލި މައްސަލައެއްގައި ފޭދޫ މީހަކު ޖަލަށް ލުމަށް ކްރިމިނަލް ކޯޓުން ހުކުމްކޮށްފިއެވެ.
ސ.ފޭދޫ ޔެލޯހައުސް ޝިއުނީޒް ޖަލަށް ލުމަށް ކްރިމިނަލް ކޯޓުން ހުކުމް ކޮށްފައިވަނީ، މާލޭގައި ހުންނަ އެސްޓީއޯ ހެޑް އޮފީހުގެ ފުރާޅުމައްޗަށް އަރައި އެތަނުގެ އޭސީތަކުގެ އައުޓްޑޯ ޔުނިޓްތައް ރޫޅާލި މައްސަލައްގައެވެ.
ޝިއުނީޒްގެ މައްޗަށް ދައުލަތުން އުފުލައިފައިވަނީ، މުދަލަށް ގެއްލުން ދިނުމުގެ ދައުވާއެކެވެ. މިދައުވާ އަށް ޝިއުނީޒް އިންކާރުކުރި ނަމަވެސް ދައުލަތުން ހުށަހެޅި ހެކިތަކަށް ބަލާއިރު ދައުވާ ސާބިތުވާކަމަށް ކްރިމިނަލް ކޯޓުގެ ހުކުމްގައި ވެއެވެ.
ޝިއުނީޒުގެ މައްޗަށް އިއްވައިފައިވަނީ، 3 މަސް ދުވަހުގެ ޖަލު ހުކުމެކެވެ.
