ޚަބަރު
ދިވެހިންނަށް ހާއްސަކޮށްފައިވާ ދާއިރާތަކުން 29 ފޮރިން އިންވެސްޓްމަންޓެއް އުވާލައިފި
29 ފޮރިން އިންވެސްޓްމަންޓް މިހާތަނަށް އުވާލެވިފައިވާއިރު، އެ ސިޔާސަތުގެ ދަށުން ކޮމްޕްލަޔަންޓްވުމަށްޓަކައި 17 ފޮރިން އިންވެސްޓްމަންޓްއަކުން ވަނީ ހުށަހަޅާފަ.
ދިވެހިންނަށް ހާއްސަކޮށްފައިވާ ދާއިރާތަކުގައި ހަރަކާތްތެރިވަމުންދިޔަ
29 ފޮރިން އިންވެސްޓްމަންޓް މިހާތަނަށް ވަނީ އުވާލާފައިވާ ކަމަށް އިގުތިސާދީ ތަރައްގީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދު
ވިދާޅުވެއްޖެއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި
ވާހަކަ ދައްކަވަމުން ވަޒީރު ވިދާޅުވީ، 2024 ވަނަ އަހަރު
އަމަލުކުރަން ފެށުނު ފޮރިން އިންވެސްޓްމެންޓް ގާނޫނާ ގުޅިގެން އެކުލަވާލެވުނު
ސިޔާސަތުގެ ދަށުން، އަލަށް ކަނޑައެޅުނު ޝަރުތުތައް ފުރިހަމަކުރަންޖެހޭ 150 ފޮރިން
އިންވެސްޓްމަންޓް ހިމެނޭ ކަމަށެވެ.
އަދި 29 ފޮރިން އިންވެސްޓްމަންޓް މިހާތަނަށް
އުވާލެވިފައިވާއިރު، އެ ސިޔާސަތުގެ ދަށުން ކޮމްޕްލަޔަންޓްވުމަށްޓަކައި 17 ފޮރިން
އިންވެސްޓްމަންޓްއަކުން ވަނީ ހުށަހަޅާފައެވެ.
ބިދޭސީންނަށް ހަރަކާތްތެރިވުން މަނާކުރެވިފައިވާ
ދާއިރާތަކުގެ ތެރޭގައި ހޯލްސޭލް އަދި ރީޓެއިލް ވިޔަފާރި، ލޮޖިސްޓިކްސް، ރާއްޖޭއަށް
އޮޕަރޭޓްކުރާ އެއާރލައިންތަކުގެ ޖެނެރަލް ސޭލްސް އޭޖެންޓްސް، ޕެސެންޖަރ ސޭލްސް
އޭޖެންޓްސް އަދި ކާގޯ ސޭލްސް އޭޖެންޓްސް ހިމެނެއެވެ.
މީގެ އިތުރުން އެކައުންޓިންގ، އޮޑިޓިންގ އަދި
އިންފޮރމޭޝަން ޓެކްނޮލޮޖީގެ ދާއިރާގައި ފޮރިން އިންވެސްޓަރުންނަށް
ހަރަކާތްތެރިވެވޭނީ 25 އިންސައްތަ ދިވެހިންގެ ހިއްސާ ހިމެނޭގޮތަށެވެ. އަދި، 100
މިލިއަން ޑޮލަރަށްވުރެ ދަށުގެ ރެޒިޑެންޝަލް ރިއަލް އެސްޓޭޓް ޕްރޮޖެކްޓްސް އަދި
ޖެނެރަލް ސީ ޓްރާންސްޕޯޓުގެ ހިދުމަތްތައް ވެސް ވަނީ ދިވެހީންނަށް
ހާއްސަކުރެވިފައެވެ.
