މަރަދޫގައި ބޭނުންކުރަމުން އަންނަ ސްވިމިން ޓްރެކަށްގެ ނަގިލިތައް ކަނޑައިގެން ގޮސް އޮޔާ ދަނިކޮށް އެކަމަށް ވަގުތީ ހައްލެއް ހޯދުމުގައި އެމްއެންޑީއެފްގެ ސަދަން އޭރިއާ ކޮމާންޑުން އެހީތެރިކަން ފޯރުކޮށްދީފިއެވެ.
އެ ޓްރެކަށް ވަގުތީ ހައްލެއް ހޯދާފައިވަނީ ސަދަން އޭރިއާ ކޮމާންޑްގެ އެހީތެރިކަމާއެކުގައި ކަމަށް މަރަދޫ އަވަށު އޮފީހުން ވަނީ ބުނެފައެވެ. މިކަމުގައި މަރަދޫ އާއްމުންނާއި މަރަދޫ އަވަށު އޮފީހުގެ މުވައްޒަފުން ވެސް ބައިވެރިވެއެވެ.