އައްޑޫ އިކުއިޓޯރިއަލް ހޮސްޕިޓަލުގެ ބޭނުމަށް 4 ކޮޓަރިއެއް ކުއްޔަށް ހިފުމަށްފަހު އެ ކޮޓަރިތައް ބޭނުންނުކުރި ނަމަވެސް ކޮޓަރިތަކަށް ކުލީގެ ގޮތުގައި 180000 (އެއްލައްކަ އަށްޑިހަ ހާސް) ރުފިޔާ ދައްކާފައިވާ ކަމަށް އޮޑިޓް ރިޕޯޓުގައި ފާހަގަކޮށްފިއެވެ.
މައުލޫމާތު ލިބިފައިވާ ގޮތުގައި މި ކޮޓަރިތަކަކީ، 'ހޮސްޕިޓަލް އިންފޮމޭޝަން ސިސްޓަމް (ހީނާއީ ސިސްޓަމް) އާއި ގުޅޭ ޓްރެއިނިންގްތައް ފޯރުކޮށްދޭ ފަރާތްތަކުގެ އެކޮމޮޑޭޝަން ހަމަޖެއްސުމަށް ކަމަށް ބުނެ 2024 ވަނަ އަހަރު އަމިއްލަ ފަރުދުންގެ ވިޔަފާރިއެއް މެދުވެރިކޮށް ކުއްޔަށް ހިފި ކޮޓަރިތަކެކެވެ. އޮޑިޓް ރިޕޯޓުގައި ބުނެފައިވާ ގޮތުގައި އެ ވިޔަފާރިއަށް ޖުމްލަ 180،000 ރުފިޔާ ދެއްކި ނަމަވެސް، އޭގެ ތެރެއިން ބޭނުންކުރީ އެންމެ ކޮޓަރިއެކެވެ.