ކައުންސިލުން ހެވީ ވެހިކަލްތަކެއް ހޯދަނީ

އައްޑޫ ސިޓީ ކައުންސިލްގެ ބޭނުމަށް ހެވީ ވެހިކަލްތަކެއް ހޯދަން އިއުލާންކޮށްފިއެވެ. 

ސިޓީ ކައުންސިލުން އިއުލާންކޮށްފައިވަނީ، ޑަމްޕް ޓްރަކަކާއި، މިނީ އެކްސްކަވޭޓަރެއް އަދި ފޯކްލިފްޓެއް ހޯދުމަށެވެ. 

ކައުންސިލްގެ ފަރާތުން ހެވީ ވެހިކަލްތަކެއް ހޯދުމަށް އިއުލާންކޮށްފައިވާއިރު، މިއީ ކައުންސިލްގެ ފަރާތުން ހިންގާ ކޮން މަޝްރޫޢެއްގެ ބޭނުމަށް ހޯދާ ވެހިކަލްތަކެއް ކަން ހާމަކޮށްފައެއް ނުވެއެވެ. 

ކައުންސިލުން ބުރާސްފަތި ދުވަހު ކުރި އިއުލާނެއްގައި ބުނެފައިވާ ގޮތުން މި ވެހިކަލްތައް ސަޕްލައިކޮށްދިނުމަށް އެދޭ ފަރާތްތަކުން  ބިޑް ސެކިއުރީޓީގެ ގޮތުގައި 47،500.00ރ (ސާޅީސް ހަތްހާސް ފަސްސަތޭކަ ރުފިޔާ) ހުށަހަޅަން ޖެހޭނެއެވެ.