މި އަހަރުގެ އޯގަސްޓް މަހުގެ ނިޔަލަށް އައްޑޫ ސިޓީ ކައުންސިލްގެ މުވައްޒަފުންގެ މުސާރައަށް 50 މިލިއަން ރުފިޔާ ހަރަދުކޮށްފައިވާކަން އެ ކައުންސިލުން އާންމުކުރި މާލީ ހިސާބުތަކުން ހާމަވެއްޖެއެވެ.
ކައުންސިލުން އެންމެ ފަހުން އާންމުކޮށްފައިވާ މާލީ ހިސާބުތަކުން ދައްކާ ގޮތުގައި، މިއީ މަހެއްގެ މައްޗަށް ބަލާ ނަމަ އެވްރެޖްކޮށް 6 މިލިއަނަށް ވުރެ ގިނަ ރުފިޔާގެ ހަރަދެކެވެ.
އައްޑޫ ސިޓީ ކައުންސިލްގެ މުވައްޒަފުންގެ ގޮތުގައި ހިމެނެނީ ކައުންސިލްގެ މައި އިދާރާގައި މަސައްކަތްކުރާ މީހުންގެ އިތުރުން، އައްޑޫގެ އެކި އަވަށްތަކުގައި ގާއިމުކޮށްފައިވާ އޮފީސްތަކުގައާއި މުނިސިޕަލް ހިދުމަތްތައް ފޯރުކޮށްދިނުމުގައި ހަރަކާތްތެރިވާ މުވައްޒަފުންނެވެ. މީޑިއާތަކުން ރިޕޯޓުކޮށްފައިވާ ގޮތުގައި، ކައުންސިލްގެ އެކި ގޮފިތަކުގައި 400 އަށް ވުރެ ގިނަ މުވައްޒަފުން މަސައްކަތްކުރެއެވެ.