ފަސްޓް ލޭޑީ، ނަސްރުގެ ދުވަހުގެ ތަހުނިޔާ ފޮނުއްވައިފި

ނަސްރުގެ ދުވަހުގެ ތަހުނިޔާއާއި ހެޔޮއެދުންތައް ރައީސުލްޖުމްހޫރިއްޔާގެ އަނބިކަނބަލުން، ސާޖިދާ މުޙައްމަދު ފޮނުއްވައިފިއެވެ.

މި މުނާސަބަތާ ގުޅިގެން މީސްމީޑިއާގައި ފަސްޓް ލޭޑީ ހިއްސާކުރެއްވި މެސެޖުގައިވަނީ، ދިވެހި ގައުމުގެ ހައްގުގައި ޖިހާދުކުރެއްވި ހިތްވަރުގަދަ ބަތަލުންނާއި ޝަހީދުންގެ ޒިކުރާ އައުކޮށް ހެޔޮ ދުއާތައް ތަކުރާރު ކުރަމުން، ނަސްރުގެ ދުވަހުގެ ތަހުނިޔާއާއި މުބާރަކްބާދު އަރިސްކުރައްވާފައެވެ.

އެކަމަނާގެ މެސެޖު ނިންމަވާލައްވަމުންވަނީ، މިނިވަންކަމާއި ބާއްޖަވެރިކަން މަތީ، ދިވެހި އުންމަތް އަބަދުމެ ލަހައްޓަވާއިދެއްވުމަށް އެދި މާތްﷲ ގެ ހަޟުރަތުގައި ދުއާ ދަންނަވާފައެވެ.

ނަސްރުގެ ދުވަސް ފާހަގަ ކުރަނީ ނޮވެންބަރު 3، 1988 ގައި ދިވެހި ގައުމަށް ލިބުނު މަތިވެރި ނަސްރުގެ ހަނދާން އަައު ކުރުމުގެ ގޮތުންނެވެ.